Erulik

Kostanai oblysy

Qostanai oblysynyñ äleumettık-ekonomikalyq damuy

Qostanaı oblysy — Qazaqstan Respýblıkasynyń soltústigindegi ákimshilik - aýmaqtyq birligi bolyp tabylady. 1936 jyly29 shildede burynǵy Qostanaı men Torǵaı gýbernıalarynyń negizinde qurylǵan. 1936 jyly Aqtóbe jáne Qaraǵandy oblystarynyń quramynan bólý arqyly jańa oblys paıda bolǵannan bastaldy. Sol sátten beri oblys ortalyǵy Qostanaı qalasy bolyp keledi. Oblys qurylǵan sátten bastap Qazaqstannyń jetekshi agrarlyq óńirleriniń birine aınaldy. 1950-1960 jyldary «tyń ıgerý» kezeńinde óńirdiń aýyl sharýashylyǵy qarqyndy damydy. Bul kezeńde temir ken oryndary da belsendi túrde ıgerile bastady. Nátıjesinde oblystyń ındýstrıasyn qalyptastyrýda sheshýshi ról atqardy. Dál sol kezde 1957 jyly oblys kartasynda Rýdnyı qalasy paıda boldy, búginde ol oblystaǵy  qalalardyń ishinde halyq sany boıynsha ekinshi oryndy ıelenip otyr.

Jer kólemi: 196 myń. km2.

Ákimshilik bólinis: Oblys ortalyǵy – Qostanaı qalasy. Qostanaı oblysyna 6 qala (1 oblys ortalyǵy – Qostanaı q., 4 monoqala – Arqalyq, Jitiqara, Lısakovsk jáne Rýdnyı qalalary, 1 shaǵyn qala – Tobyl q.), 16 aýdan, 517 aýyl jáne 7 kent kiredi.

Qostanaı oblysyna jatatyn aýdandar men qalalar:

  1. Qostanaı qalasy 
  2. Lısakov qalasy 
  3. Rýdnyı qalasy 
  4. Arqalyq qalasy 
  5. Altynsarın aýdany 
  6. Amangeldi aýdany 
  7. Áýlıekól aýdany
  8. Denısov aýdany
  9. Jangeldın aýdany
  10. Jitiqara aýdany
  11. Qamysty aýdany
  12. Qarabalyq aýdany
  13. Qarasý aýdany
  14. Qostanaı aýdany
  15. Meńdiqara aýdany
  16. Naýyrzym aýdany
  17. Sarykól aýdany
  18. Beıimbet Maılın aýdany
  19. Uzynkól aýdany
  20. Fedorov aýdany

Halyq sany: 2024 jylǵy 1 sáýirge Qostanaı oblysy halyq sany 828,8 myń adamdy qurady, onyń ishinde qalalyqtar – 518,3 myń adam (62,5%), aýyl turǵyndary – 310,5 myń adam (37,5%). Halyqtyń tabıǵı ósimi 2024 jylǵy qańtar-naýryzda 160 adamdy qurady (ótken jyldyń sáıkes kezeńde – 208 adam).

Salalyq statıstıka: 2024 jylǵy qańtar-sáýirde ónerkásip óndirisiniń kólemi qoldanystaǵy baǵamen 910620,6 mln. teńgeni qurady, bul 2023 jylǵy qańtar-sáýirmen salystyrǵanda 3,8% artyq.

Taý-ken óndirý ónerkásibinde jáne karerlerdi qazý óńdiristiń ósimi 7,8%, óńdeý ónerkásibinde – 1,9%, elektr energıasymen, gazben, býmen, ystyq sýmen jáne aýamen kondısıonerlengen jabdyqtaýda – 16,6%. Sýmen jabdyqtaýda; sý burý; qaldyqtardy jınaý, óńdeý jáne joıý, lastanýdy joıý boıynsha qyzmette ónerkásiptik óndiris ındeksiniń 0,6% azaıdy.

2024 jylǵy qańtar-sáýirde aýyl sharýashylyǵy ónimderiniń (qyzmetteriniń) jalpy shyǵarylymyn 52511,4 mln. teńgeni nemese 2023 jylǵy qańtar-sáýirge salystyrǵanda 100,5% qurady.

2024 jylǵy qańtar-sáýirde kóliktiń barlyq túrleriniń júk aınalymy 8375 mln. tkm-di qurady, (komersıalyq tasymaldaýmen aınalysatyn jeke kásipkerlerdiń oryndaǵan júk aınalymyn baǵalaý esebimen), nemese 2023 jyldyń qańtar-sáýirge salystyrǵanda 90,8% qurady.

Kásiporyn statıstıkasy: Tirkelgen zańdy tulǵalar sany 2024 jylǵy 1 qańtarǵa 14830 birlikti qurap, onyń ishinde 100 adamnan kem qyzmetkerleri barlar 14436 birlik. Jumys istep turǵan zańdy tulǵalar sany 12997 birlikti qurady, onyń ishinde shaǵyn kásiporyndar 12605 birlikti qurady. Oblysta tirkelgen shaǵyn jáne orta kásipkerlik kásiporyndar (zańdy tulǵalar) sany 11519 birlikti qurap, ótken jylǵy sáıkes kezeńmen salystyrǵanda 1,1% artty.

Bilim: 2024 jylǵy aqpan aıyna bilim salasyn bilim berý jelisi 763 uıymnan (674-memlekettik, 89-jekemenshik) quralǵan: 183 balabaqsha (115-memlekettik, 68-jekemenshik), 5 jekemenshik shaǵyn ortalyq (memlekettik emes), 445 memlekettik kúndizgi jalpy bilim beretin mektep, 5 keshki mektep; 9 jekemenshik mektep (memlekettik emes), 33 tehnıkalyq jáne kásiptik, orta bilimnen keıingi bilim berý uıymdary (24 memlekettik bilim basqarmasy, densaýlyq saqtaý basqarmasyna qarasty 2 jáne 7 jekemenshik), 26 arnaıy bilim berý uıymy, 8 jetim balalar men ata-anasynyń qamqorlyǵynsyz qalǵan balalarǵa arnalǵan uıym, 48 qosymsha bilim berý uıymdary (onyń ishinde 1 jekeshe – Balalar ınklúzıvti akademıasy), 1 aqparattandyrý jáne bilim sapasyn baǵalaý ortalyǵy.

Mektepke deıingi tárbıeleý: Oblysta 183 balabaqsha, onyń ishinde 68 jekemenshik balabaqsha (2022 jylǵy 4 toqsanda – 186, onyń ishinde 68 jekemenshik) jáne 335 shaǵyn ortalyq, onyń ishinde 5 jekemenshik (2022 jylǵy 4 toqsan-350, onyń ishinde 6 jekemenshik) jumys isteıdi. 2 jastan 6 jasqa deıingi balalardy mektepke deıingi bilimmen qamtý - 90,5%, 3 jastan 6 jasqa deıingi balalardy qamtý – 99,9% qurady (2022 jylǵy 4 toqsan-99,9%). Mektepke deıingi uıymdarǵa – 8 341 bala, onyń ishinde 2 jastan 6 jasqa deıingi – 2 892 bala kezegi saqtalady.

Jalpy orta bilim berý: Jalpy orta bilim berý uıymdarynyń jelisi 465 mektepten turady, onyń ishinde 445 kúndizgi memlekettik jalpy bilim beretin mektepter, 6 memlekettik arnaıy bilim berý uıymdary, 5 keshki, 9 jekemenshik mektepter (2022-2023 oqý jyly – 476 kúndizgi memlekettik jalpy bilim beretin mektepter, 5 keshki, 7 jekemenshik mektepter). Kúndizgi memlekettik jalpy bilim beretin mektepterdiń jalpy sanynyń 108-i memlekettik tilde oqytatyn, 115-i aralas mektepter. Óńirde shaǵyn jınaqty mektepter basym ekenin eskere otyryp – 288 nemese 65% (2022-2023 oqý jylynda – 66,5%), oqý baǵdarlamalaryn tabysty ıgerý úshin búgingi tańda 20 resýrstyq ortalyq jumys isteıdi, 63 aýyldyq mektepke 41 qalalyq mekteptiń qamqorlyǵy uıymdastyryldy. Eldi mekenderde turatyn, tıisti úlgidegi mektepteri nemese mektepteri joq balalardyń jalpy orta bilim alýy maqsatynda 2023-2024 oqý jylynda 2 999 oqýshyǵa (2 656 – kúndelikti, 343 – apta saıyn) tasymaldaý uıymdastyryldy jáne 19 mektep janyndaǵy ınternat jumys isteıdi.

Qorǵanshylyq jáne qamqorshylyq jáne arnaıy bilim berý uıymdary: Oblysta 1500-den astam balany qamtıtyn 24 arnaýly uıym (6 arnaýly mektep jáne mektep-ınternat, 14 psıhologıalyq-pedagogıkalyq túzetý kabıneti, 4 psıhologıalyq-medısınalyq-pedagogıkaly konsýltasıa) jumys isteıdi. 2023 jyly qadamdyq qoljetimdilikte jaǵdaı jasaý maqsatynda oblystyń 5 aýdanynda ınklúzıany qoldaýdyń 5 kabıneti ashyldy.

Tehnıkalyq jáne kásiptik bilim berý: Qostanaı oblysynyń TjKB uıymdarynyń jelisi 33 oqý ornynan turady, onyń ishinde 26 memlekettik mekeme, onyń ishinde 2 densaýlyq saqtaý basqarmasynyń vedomstvosynda jáne 7 jekemenshik mekeme. Bilim alýshylar kontıngenti 22 myńnan astam adamdy quraıdy (22 208), onyń ishinde 18 271 adam memlekettik bilim berý tapsyrysy boıynsha oqıdy nemese 82,2% (2022-2023 oqý jyly – 17 128 nemese 76%).

Jastardy kolejderde suranysqa ıe mamandyqtar boıynsha tegin oqytýmen qamtý maqsatynda (9 synyp túlekteri) jyl saıyn memlekettik tapsyrys kólemi orta eseppen 300-500 orynǵa ulǵaıady.

Mádenıet: Qostanaı oblysy tabıǵı jáne mádenı muraǵa baı. Óńirde 1140 tarıh jáne mádenı eskertkishteri ornalasqan, onyń ishinde 5 respýblıkalyq mańyzy bar   (eki márte Keńes Odaǵynyń batyry L.I.Bedanyń músini, eki márte Keńes Odaǵynyń Batyry I.F.Pavlovtyń músini, Y.Altynsarınniń eskertkishi, Ekidiń  I jáne  II ǵuryptyq  eskertkishteri) jáne jergilikti mańyzy bar 1135 tarıh jáne mádenıet eskertkishi, onyń ishinde 1051 arheologıa, 39 qala qurylysy jáne sáýlet eskertkishi, 4 kıeli obekt jáne 41 monýmenttik  óner qurylysy.

Qazaqstannyń kıeli jerleriniń  kartasyna oblystyń 39 nysany (jalpyulttyq mańyzy bar - 10, óńirlik  mańyzy bar - 29) engizilgen.

Oblystyń jalpyulttyq mańyzy bar tarıhı eskertkishteriniń  ishindegi  eń tanymaly VIII – IX dáýirdiń Ekidiń I jáne II ǵuryptyq eskertkishteri, Bestamaq qorymy, Lısakovsk arheologıalyq kesheni.

Qostanaı oblysynda ornalasqan Torǵaı alqaby qola dáýiriniń  biregeı arheologıalyq eskertkishteri - Torǵaı geoglıfteri (Úshtoǵaı  tórttaǵany, Torǵaı trıkvetri) tabylǵannan keıin ǵana álemge áıgili boldy.

Al Qostanaı qalasynan 7 shaqyrym jerde Tobyl ózeniniń jaǵalaýynda ornalasqan  qazaqtyń kórnekti aǵartýshy-pedagogy, qoǵam qaıratkeri  Ybyraı Altynsarınniń kesenesi bizdiń óńirdiń ǵana emes, búkil elimizdiń maqtanyshyna aınaldy.

XIX ǵasyrdyń aıaǵyndaǵy Qostanaı qalasynyń kórnekti sáýlet eskertkishiniń biri «Aqmeshit» musylmandar meshitiniń ǵımaraty bolyp tabylady. 2019 jyldyń qyrkúıek aıynan 2020 jyldyń mamyr aıyna deıin meshit ǵımaratynda ǵylymı-restavrasıalyq jumystary júrgizildi. Búgingi tańda Aqmeshittiń ásem de záýlim ǵımaraty qala turǵyndarynyń kóz jaýyn alyp, Qostanaıdyń basty kórikti jerleriniń qatarynan oryn aldy. Qostanaı oblysy Jangeldın aýdany Aqkól aýylyna jaqyn jerde Ahmet Baıtursynovtyń ómirge kelgen úıi bar. Sonymen birge áýlettiń úlken qorymynda Ahmettiń ákesi Baıtursyn, aǵalary Qalı jáne Máshen jerlengen. 2022 jyly Ahmet Baıtursynulynyń týǵanyna 150 jyl tolýyn merekeleý aıasynda A.Baıtursynulynyń jańa Mýzeı-úıi salyndy.

Qostanaı oblysynda 9 memlekettik mýzeıler bar. Olardyń árqaısysy tarıhı-mádenı murany saqtaýǵa jáne nasıhattaýǵa, óńirdiń mádenı ortasyn qalyptastyrýǵa, jas urpaqtyń jasampaz ómirlik ustanymyn jáne etnıkalyq sana-sezimin damytýǵa zor úles qosyp keledi.

Búgingi kúni oblys mýzeıleriniń qory - 318492 jádigerden, negizgi qory - 206831 jádigerden turady.

Mýzeılerdiń arheologıalyq jıyntyǵynda, álemge tanymal alǵashqy qaýymdyq ónerdiń ǵajaıyp týyndysy «Tobyl oıshyly», naıza ushtary, balyq beınelengen kúmisten quıylǵan aına jáne t.b. bar.

Densaýlyq saqtaý: Qostanaı oblysynyń memlekettik densaýlyq saqtaý sektoryna 489 medısınalyq nysan kiredi. Oblys turǵyndaryna emdeý-profılaktıkalyq kómek kórsetedi: 29 stasıonarlyq uıym (1 oblystyq balalar jáne 1 oblystyq aýrýhana, 7 qalalyq aýrýhana, 1 ftızıopýlmonologıa ortalyǵy, 1 oblystyq psıhıkalyq densaýlyq ortalyǵy, 16 aýdandyq aýrýhana, 2 aýyldyq aýrýhana); 451 ambýlatorıalyq-emhanalyq uıym jáne MSAK obektileri (1 jedel medısınalyq járdem stansıasy, 1 JITS ortalyǵy, 7 emhana, 40 dárigerlik ambýlatorıa, 73 feldsherlik-akýsherlik pýnkt, 329 medısınalyq pýnkt). Oblystyń medısınalyq uıymdarynyń tósek qory 4 361 oryndy quraıdy. Oblysta 1 892 dáriger jáne 5 964 orta medısına qyzmetkeri jumys isteıdi.

Týrızm: Oblystyń keń aýmaǵy men tabıǵı landshafttarynyń alýan túrli bolýy, sý qoımalarynyń jaǵalaýynda demalys bazalary men qonaq úılerdiń bolýy saýyqtyrý, ekologıalyq, mádenı-tanymdyq týrlardy, sondaı-aq demalys kúngi týrlardy uıymdastyrýǵa jaǵdaı jasaıdy.

Osylaısha, Qostanaı oblysynyń aýmaǵynda 6 shıpajaı-kýrorttyq baǵyttaǵy obektiler jumys isteıdi: 2 sanatorı («Sosnovyı bor», «Jaılaý», Altynsarın aýdany), 1 profılaktorı («Densaýlyq», Jitiqara aýdany), 3 ońaltý ortalyǵy (múgedekterge arnalǵan oblystyq ońaltý ortalyǵy, Qostanaı q.; balalardy ońaltý ortalyǵy, Rýdnyı q., M. Qarabaev atyndaǵy oblystyq ońaltý ortalyǵy, Meńdiqara aýdany).

Shıpajaılar Altynsarın aýdanynyń aýmaǵynda mıneraldy sý jáne súlfatty-balshyq, qaraǵaıly ormandy kólder mańynda ornalasqan jáne emdik, dıagnostıkalyq jáne profılaktıkalyq qyzmetterdiń, sý jáne balshyqpen emdeýdiń, klımattyq terapıanyń, sondaı - aq túrli oıyn-saýyq jáne sporttyq-saýyqtyrý qyzmetteriniń tizbesin júzege asyrady.

Sondaı-aq, Qostanaı qalasynyń aýmaǵynda ornalasqan «Therma park» SPA-kesheni týrısterdiń úlken qyzyǵýshylyǵyn týdyrady. Bul kólemi 18 000 sharshy metrden asatyn biregeı saýyqtyrý kesheni bolyp tabylady, Qazaqstannyń soltústik óńirleri arasynda onyń balamasy joq. Termopark «Kostanay Plaza» saýda-oıyn-saýyq ortalyǵynyń tórt deńgeıinde (onyń ishinde tóbesinde) ornalasqan jáne oǵan 24 sý-monsha kesheni (orys, fın, tuz, tas jáne basqa da monsha túrleri), sý atraksıondary, 5 baseın, onyń ishinde termaldy, onyń ekeýi ashyq aspan astynda, 2 djakýzı, 4 ofýro (dástúrli japon vanasy) bar. Termaparktiń jalpy syıymdylyǵy – 1600 adamdy quraıdy.

Naýyrzym memlekettik tabıǵı qoryǵynyń alýan túrliligi men biregeı tabıǵatynyń baılyǵy ekologıalyq týrızmdi damytýǵa múmkindik beredi. Bul qoryq IÝNESKO-nyń mádenı mura nysandarynyń tizimine engizilgen. Qoryq aýmaǵynda 6 ekskýrsıalyq marshrýt ázirlengen. Barlyq marshrýttar týrısterge yńǵaıly bolý úshin besedkalar, 3 tildegi aqparattyq stendter, qoqyq jáshikteri, dárethanalar jáne oryndyqtarmen jabdyqtalǵan.

2022 jyly Naýyrzym qoryǵy Mádenıet jáne sport mınıstrligi ótkizetin «Neo Nomad 2022» aksıasynyń sheńberinde eldiń týrıster úshin belgilengen 20 týrıstik oryndarynyń tizimine engizilgen.

Odan basqa, óńirde 300 jýyq usaq ózender men 5 myńnan astam kól, 99 ańshylyq sharýashylyǵy jáne 240 balyq sharýashylyǵy sý qoımalary bar, olar oqıǵaly týrızmge jatatyn ań jáne balyq aýlaýdy damytýǵa yqpal etedi. Oblystyń ańshylyq sharýashylyqtarynyń aýdany 16 mln. 648 myń ga quraıdy. 

Sonymen qatar, jalpy óńirde 28 týrıstik marshrýt ázirlengen, olar oqıǵaly, ekologıalyq, mádenı-tanymdyq ekskýrsıalarmen, sondaı-aq demalys kúnderiniń marshrýttarymen usynylǵan.

Týrısterge yńǵaıly bolý úshin oblys aýmaǵynda 108 qonaq úı jumys isteıdi, nómirlik qory 2183 birlik, onyń ishinde oblys ortalyǵynda 46 qonaq úı ornalasqan, nómirlik qory 775 birlikti quraıdy.

Jalpy oblys boıynsha 3 qonaq úıdiń «4 juldyz» sanaty bar, olar «Medeý», «Tobyl», «Gornák» jáne «3 juldyz» sanatyndaǵy 2 qonaq úıler «Palazzo» jáne «Selınnaıa».