Тарих

1917 – 19 ж. Қостанайда Кеңес өкіметі орнап, 1920 ж. сол кездегі Ақтөбе облысындағы өзімен аттас округтің, 1925 ж. губернияның, 1936 ж. жаңадан құрылған Қостанай облысының орталығына айналды.

Қостанай облысы ұлттық-мәдени мұраға бай, оның аумағында 1141 тарих және мәдениет ескерткіші, 38 киелі және ескерткіш нысандары бар.

Бұл - қазақ тарихында көптеген елеулі оқиғалар өткен қасиетті жер, қазақтың даңқты тұлғаларының – дана билері мен ержүрек батырларының кіндік қаны тамған жер. Қолбасшы, жоңғарлармен болған шайқастардың батыры Шақшақ Жәнібек Қошқарұлы қазақтардың арасында алғашқы болып тархан құрметті атағын алған. Қостанай жерінде Кенесары ханның ұлт-азаттық көтерілісінің негізгі шайқастары өтті. 1916 жылы Амангелді Иманов пен Кейкі батыр туған халқының бостандығы үшін шайқасты.

Ұлы ғалым және саяхатшы Шоқан Уәлиханов, ағартушы-педагог Ыбырай Алтынсариннің есімі бүкіл әлемге танымал болды. Қазақ тәуелсіз мемлекетінің бастауында көрнекті қоғамдық-саяси қайраткерлер Ахмет Байтұрсынов пен Міржақып Дулатов тұр. Ұлттық театр өнерінің негізін қалаушылар, біздің жерлестеріміз - Елубай Өмірзақов, Серәлі Қожамқұлов, Қапан Бадыров. Қазақтың тұңғыш мүсіншісі, Қазақстанның халық суретшісі Хакімжан Наурызбаев пен композиторлар Бақытжан Байқадамов, Әбілахат Еспаевтар біздің өлкемізден шыққан. Жерлестеріміз Спандияр Көбеев, Мұхамеджан Сералин, Бейімбет Майлин, Мәриям Хакімжанова, Сырбай Мәуленов, Ғафу Қайырбеков және т.б. қазақ әдебиетінің дамуына елеулі үлес қосты.

Климаты мен табиғаты

Облыс климаты тым континеттік. Қысы суық және ызғарлы, қаңтардың орташа температурасы солтүстігінде -18-19°С, оңтүстігінде -16-17°С. Кейбір қатаң жылдары -40°С-тан да төмен болады. Қысы ұзақ, қар жамылғысы 5 айға дейін жатады. Жазы біршама ыстық, шілденің орташа температурасы 19-20°С. Кей жылдары 35-40°С-қа дейін жетеді. Жылдық жауын-шашынның орташа мөлшері солтүстіктен оңтүстікке қарай 300 мм-ден 170 мм-ге дейінгі аралықта, оның 70-75% -ы жылдың жылы мезгілінде жауады. Облыста қуаңшылық болып тұрады. Кейінгі 50 жылдың мәліметі бойынша қуаңшылық әр 10 жылда 3-4 рет қайталанған. Желсіз күндер аз. Желдің жылдық орташа жылдамдығы солтүстігінде 4-4,5 м/с-тан, оңтүстігінде 5-6 м/с-қа жетеді. Солтүстігінде оңтүстік-батыс және оңтүстік желдер, оңтүстігінде солтүстік және солтүстік-шығыс желдер басым.

Қостанай облысының аумағы үш ірі топырақ белдемінде орналасқан:

- солтүстік жағын қара топырақ, ал оңтүстік бөлігін сұр топырақ белдемі алып жатыр;

- қара және қоңыр қызғылт топырақтар облыстың солтүстік және орталық аудандарында егін шаруашылығы мен мал шаруашылығын өркендетуге қолайлы.

Облыс жеріндегі топырақ жамылғысының бойлық бағытта белдемдік байланыстағы өсімдік жамылғысы таралған. Қостанай облысының солтүстік жіңішке бөлігін орманды-дала белдемі алып жатыр. Орманды жерлері негізінен әр түрлі бұталар өскен терек аралас қайыңды шоқтардан тұрады. Кей жерлерде олар едәуір алқапты қамтитын қайыңды орман өңірлерін құрайды. Дала белдемі әр түрлі шөбі басым селеу мен боздан тұрады, ал құрғақ дала белдемінде, негізінен, әр түрлі шөптер араласқан бетегелі-селеулі шөптер өседі. 

Дала және құрғақ дала белдемдерінің құмдақ топырақты жерлерінде қайың мен қарағайы басым Наурызымқарағай ормандары өскен. Наурызымқарағай шоқ орманы негізінде 1930 жылы мемлекеттік қорық (Наурызым қорығы) ұйымдастырылған. Облыстың жануарлар дүниесі әр түрлі. Жыртқыш аңдардан - қасқыр, түлкі, қарсақ, күзен жиі кездеседі. Ақ қоян, ор қоян, құм тышқаны, сарышұнақ, аламан тышқаны, қосаяқ секілді кеміргіштер көп тараған. Орманды дала белдемінде елік, оңтүстіктің шөлейтті жерлерінде ақбөкендер жайылады.

Облыста құстардың да сан алуан түрлері мекендейді. Қостанай облысы өзендер мен көлдерге бай. Өзендер Тобыл мен Торғай және Ұлы Жыланшық өзендерінің алабына жатады. Тобыл өзенінің алабына жататын өзендер (Үй, Тоғызақ, Әйет, Желқуар, Шортанды) бастауларын Орал маңы үстіртінен, ал Обаған өзені Торғай қолатының орталық тұсынан алады. Торғай алабындағы өзендер, негізінен, Торғай және оның салалары бастауларын Торғай үстіртінен (Өлкейек, Қабырға, Теке) және Сарыарқаның батыс беткейінен (Сарыөзен, Мойылды және Үлкен Дәмді, Жалдама, Қарынсалды, Тасты, Ащытасты, Қараторғай, Сарыторғай, Үлкен Сабасалды, Сабасалды, т.б.) алады. Облыстың қиыр оңтүстігінде Торғай өзені алабынан бастау алатын Ұлы Жыланшық өзені Жақсы Ақкөлге құяды. Қостанай облысында 7 мыңнан астам көл бар. Олар көбіне тұщы келеді. 

Тұзды көлдер Солтүстік Торғай жазығында, Сыпсыңағаш пен Торғай қолаттарының орталық тұстарында шоғырланған. Көлдердің ең ірілері Торғай қолатында (Сарықопа, Күйік, Ақсуат, Сарымойын, Құсмұрын, Алакөл, Теңіз, т.б.), облыстың солтүстік-шығысында (Қойбағар, Алабота, Тімтәуір, Жаншора, Биесойған, Сарыкөл, Сарыоба, Жасылбағар, Қарақамыс, Тоқта, т.б.), солтүстік-батысында (Шұбаркөл, Сасықкөл, Үлкен Бөрілі, Тоқтас, Жолжарған, т.б.), Солтүстік Торғай жазығында (Шыбындысор, Айқамыс, Қарасор мен Тентексор көлдер топтары, т.б.), Сыпсыңағаш қолатында (Қулыкөл, Кіндікті, Орқаш, Шоғыркөл, Мамыркөл, т.б.) және оңтүстігінде (Жалтырсор, Барақсор, Тентексор, Жаман Ақкөл, Жақсы Ақкөл, Ащы Ақкөл, т.б.) орналасқан. Кейбір тұзды көлдердің (Әулиесор, Сабынды, Қарабасты, Қарақалпақ, Жылысор, Балықты, Ақсуатсор, т.б.) емдік және курорттық маңызы бар.

Тобыл мен Торғай өзендеріне және олардың салаларында көптеген бөгендер мен суғару жүйелері салынған. Олар Тобыл өзені мен оның салаларында Жайылма, Жоғары Тобыл, Қаратомар, Қостанай, Желқуар, Шортанды бөгендері, Торғай өзенінде Албарбөгет суғару жүйесі мен Үлкен Дәмді өзеніндегі көлдетіп суғару жүйесі, т.б.

Жер асты сулары облыстың барлық жерінде бар. Олар мезо-кайназойдың құмды-сазды шөгінділері мен палеозой жыныстарында шоғырланған.

Қалалары мен өнеркәсібі

Қостанай облысы құрамында 5 қала (Арқалық, Жітіқара, Лисаковск, Рудный, Қостанай), 13 кент, 16 аудан бар, 808 ауылдық мекендер бар.

Облыста өнеркәсіп өнімдерін өндірумен 886 кәсіпорын айналысады, оларда 42 мыңнан астам адам жұмыс істейді.

2022 жылғы қаңтар-тамызда облыстың өнеркәсіп кәсіпорындары 1 595,5 млрд.теңге сомасына өнім өндірді, бұл өткен жылдың сәйкес кезеңінен 8,5%-ға жоғары (2021 жылғы қаңтар-тамызда – 1 470,1 млрд.теңге). НКИ-97,5%.

Облыс өнеркәсібінің құрылымында ең көп үлес өңдеу саласына тиесілі – 59,5%, тау – кен өндіру саласына – 37,5%, электрмен жабдықтау - 2,4%, сумен жабдықтау - 0,6%.

Тау-кен өндіру саласында 597,7 млрд. теңгеге (2021 жылғы қаңтар-тамызда – 761,1 млрд. теңге, кему – 21,5%) өнім өндірілген. НКИ – 86,3%.

Темір кені концентратын өндіру 35,9%-ға («ССКӨБ» АҚ, «Өркен» ЖШС ЛФ), асбест өндіру 4,5%-ға (Костанайские минералы» АҚ) және шекемтастар өндірісі 3,5%-ға («ССКӨБ» АҚ) төмендеген.

Сонымен қатар, құрамында алтыны бар кенді өндіру 4,9%-ға («Варваринское» АҚ, «Комаров тау-кен кәсіпорны» ЖШС), боксит өндіру 2,9%-ға («Қазақстан Алюминиі» АҚ), мыс кенін өндіру – 79,9%-ға («Варваринское» АҚ), мыс концентраты – 66,2% («Варваринское» АҚ) өсім байқалуда.

Өңдеу саласында – 949,4 млрд. теңге (2021 жылғы қаңтар-тамызда – 667,2 млрд. теңге, өсім 42,3%) өндірілді. НКИ – 111,3%.

Саланың өсімі машина жасау (НКИ – 119,9%), азық-түлік өнімдерін өндіру (НКИ – 107,1%) және металлургия өнеркәсібі (НКИ – 107,0%) өндірісінің ұлғаюы есебінен қамтамасыз етілді.

Шығарылатын өнімде тракторлар 7,4% («АгромашХолдинг KZ» АҚ, «МТЗ ЖШС, «КТЗ» ЖШС), жеңіл 30,4% және жүк автомобильдер 8,6% («СарыарқаАвтоПром» ЖШС), ұн 15,2% («Асалия» ЖШС, «Бест» ЖШС және басқалары), кондитерлық өнімдер 3,2% («Баян Сұлу» АҚ) артты.

Дін мен мәдениет

2022 жылғы 1 қыркүйектегі жағдай бойынша Мемлекеттік желіде 610 мәдениет мекемесі жұмыс істейді, оның ішінде: 343 кітапхана, 244 мәдени-демалыс ұйымы, 9 мұражай, 4 театр, облыстық филармония, 6 кинотеатр, 2 мәдениет және демалыс саябағы, тарихи-мәдени мұраны зерттеу, қалпына келтіру және қорғау орталығы.

2022 жылдың 8 айында облыстық қөркемөнерпаздардың халық шығармашылығы және кинобейнеқор орталығы мен облыстық филармония 169 іс-шара өткізді.

Облыс театрлары 483 спектакль қойды.

288 кітапхана компьютерлермен жабдықталған, олардың 144-і Интернет желісіне қосылған. Облыс бойынша жыл басынан бері кітапхана қызметін 226 мың оқырман пайдаланды. Облыс азаматтарын тегі, ұлты, тілі, дінге көзқарасы, әлеуметтік жағдайы бойынша бөлмей, олардың құқықтары мен бостандықтарының тең дәрежеде сақталынады. Қазақстан халықтарының ұлттық мәдениетін, тілдерін және салт-дәстүрлерін жан-жақты дамыуда. 

Облыс аумағында өмір сүретін ұлт өкілдері арасында достық қарым-қатынасқа бағытталған мемлекеттік саясат құру бойынша ұсыныс жасау және теңқұқылық принципі негізінде олардың рухани-мәдени жаңғыруына және жан-жақты дамуына үлес қосуда.

Қостанай облысында 879 134 адам, 100-ден аса ұлт өкілдері өмір сүреді. Олардың ішінде: қазақтар – 39,9 %, орыстар – 41,4 %, украиндықтар – 8,4 %, немістер – 3,1 %, татарлар – 1,8 %.

Достық Үйі шаңырағының астында 17 этномәдени бірлестік бар:

1. Қостанай облысының орыс қауымдастығы.

2. «Шарк» тәжік-өзбек этномәдени бірлестігі.

3. Қостанай облысының «Возрождение» неміс мәдени орталығы.

4. Қостанай облысының еврей этномәдени бірлестігі.

5. «Эребуни» армян этномәдени бірлестігі.

6. «Nadzieja» поляк этномәдени бірлестігі.

7. «Дуслык» татар-башқұрт этномәдени бірлестігі.

8. «Вайнах» шешен-ингуш этномәдени бірлестігі.

9. «Асаба» қырғыз этномәдени бірлестігі.  

10. «Асар» белорус-балтық жағалауы халықтарының этномәдени бірлестігі.

11. Қостанай облысындағы Орынбор казактарының қауымдастығы.

12. Қостанайдағы сібір казактарының орыс қауымдастығы.

13. «Бирлик» әзірбайжан этномәдени бірлестігі.  

14. Қостанай облысының кәріс этномәдени бірлестігі.

15. «Қостанай өнірінің зиялы азаматтар қоғамы» ҚҚ.

16. «Ахыска» түрік этномәдени бірлестігі.

health_care

Денсаулық сақтау органдары мен ұйымдары қызметінің қорытындылары Қостанай облысының 01.09.2022 ж.

Қостанай облысының мемлекеттік денсаулық сақтау секторы 489 медициналық нысанды қамтиды (01.09.2021 ж. – 489).

Облыс халқына емдеу-профилактикалық көмекті: 29 стационарлық ұйым (1 облыстық балалар және 1 облыстық аурухана, 7 қалалық аурухана, 1 фтизиопульмонология орталығы, 1 облыстық психикалық денсаулық орталығы, 16 аудандық аурухана, 2 ауылдық аурухана); 451 амбулаториялық-емханалық ұйым және МСАК объектілері (1 Жедел медициналық жәрдем станциясы, 1 орталық) көрсетеді ЖИТС, 7 емхана, 41 дәрігерлік амбулатория, 72 фельдшерлік-акушерлік пункт, 329 медициналық пункт).

Облыстың медициналық ұйымдарының төсек қоры 4 351 төсекті құрайды.

Төсектермен қамтамасыз етілу (10 000 тұрғынға шаққанда) 50,52 құрайды.

Облыста 1 892 дәрігер (01.09.2021 ж.-1 915) және 5 964 орта медициналық қызметкер (01.09.2021 ж. – 6 069) жұмыс істейді.

Облыс бойынша (10 000 тұрғынға шаққанда) дәрігерлермен – 21,97 (01.09.2021 ж. – 22,10), орта медициналық қызметкерлермен – 69,25 (01.09.2021 ж. – 70,04) қамтамасыз ету.

Нәрестелер өлім-жітімінің көрсеткіші (1000 тірі туылғандарға шаққанда, облыстық балалар ауруханасының ОМО деректері) өсті:

• 2021 жыл – 11,2 / 82
• 2022 жыл – 11,7 / 81

Ана өлімінің көрсеткіші (100 000 тірі туылғандарға шаққанда, облыстық балалар ауруханасының ОӘБ деректері) төмендеді:

• 2021 жыл-41,0 / 3
• 2022 жыл-0,0 / 0

Туберкулезбен сырқаттану көрсеткіші (100 мың тұрғынға шаққанда) 29,8-ден 30,8-ге дейін өсті.

Туберкулезден болатын өлім-жітім көрсеткіші (100 мың тұрғынға шаққанда) 2,0-ден 1,2-ге дейін төмендеді (алдын ала деректер).

15-49 жас аралығындағы топта АИТВ инфекциясының таралу көрсеткіші 0,503 құрады, 2021 жылдың ұқсас кезеңінде көрсеткіш 0,469 құрады.

Қатерлі ісіктермен сырқаттанушылық көрсеткіші (100 мың тұрғынға шаққанда) 180,3-тен 202,3-ке дейін өсті.

Онкологиялық аурулардан болатын өлім-жітім көрсеткіші (100 мың тұрғынға шаққанда) 51,7-ден 51,0-ге дейін төмендеді (өлім-жітім бойынша деректер алдын ала).

Білім

Қостанай облысының білім басқармасының 2022 жылдың тамыз айына арналған білім беру саласын дамыту қорытындылары туралы ақпараты бойынша:

Білім беру желісіне 803 ұйым, 192 балабақша, 9 жекеменшік шағын орталық (мемлекеттік емес), 476 мемлекеттік күндізгі жалпы білім беретін мектеп, 5 кешкі мектеп; 7 жекеменшік (мемлекеттік емес) жалпы білім беретін мектеп кіреді; 34 техникалық және кәсіптік, орта білімнен кейінгі білім беру ұйымдары (25 мемлекеттік білім беру басқармасы, 2 денсаулық сақтау басқармасы және 7 жекеменшік), 24 арнайы білім беру ұйымдары, 8 жетім балалар мен ата-анасының қамқорлығынсыз қалған балаларға арналған ұйым, 47 қосымша білім беру ұйымдары (оның ішінде 1 жекеменшік), 1 білім беру сапасын ақпараттандыру және бағалау орталығы.

Мектепке дейінгі тәрбие.

2022 жылғы тамыз айына облыста 192 балабақша (2021 ж. - 190), оның ішінде 70 жекеменшік (2021 ж. - 68), 370 шағын орталық (2021 ж.-391), оның ішінде жалпы білім беретін мектептер жанындағы 361 (2021 ж. - 381) және 9 жекеменшік (2021 ж. - 11).

10.07.2022 жылға мектепке дейінгі ұйымдарға кезекте 2 жастан 6 жасқа дейін 5 974 бала тұр, оның ішінде 3 жастан 6 жасқа дейін – 3 083.

Балабақшаға кезекте тұрған 2 жастан 6 жасқа дейінгі балалардың ең көп саны келесі өңірлерде сақталады: Қостанай қаласы – 1511, Рудный қаласы – 1977, Қостанай ауданы – 858, Әулиекөл ауданы – 265, Арқалық қаласы – 465.

Жалпы орта білім беру.

Жалпы орта білім беру ұйымдарының желісі 494 мектептен тұрады, атап айтқанда 476 (2020-2021 оқу жылы - 489) - күндізгі мемлекеттік жалпы білім беретін мектептер, 6-мемлекеттік арнайы білім беру ұйымдары, 5-кешкі (2020-2021 оқу жылы - 5), 7 - жекеменшік (2020-2021 оқу жылы-6) мектептер.

Күндізгі мемлекеттік жалпы білім беретін мектептердің жалпы санының 116 – сы мемлекеттік тілде оқытатын, 112-сі аралас мектептер.

Өңірде шағын жинақталған мектептер басым екенін ескере отырып, 66,2% (2020-2021 оқу жылы - 66,5%), оқу бағдарламаларын табысты игеру үшін бүгінгі күні 20 ресурстық орталық жұмыс істейді.

Қосымша білім беру.

Қосымша білім берумен қамту 82% немесе 90 258 баланы құрайды, «Білімді ұлт» ұлттық жобасы бойынша 2022 жылға жоспарлы көрсеткіш - 76,7% (ҚР - 75,5%).

Мектептер жанындағы үйірмелердің жалпы саны - 2849, 28 252 баланы, спорт секциялары–1946, 24 728 баланы қамтиды .Қосымша білім беру ұйымдары жанындағы 898 үйірмеге 37278 бала қабылданды, немесе 33,4% (2020-2021 оқу жылы - 33%). 17 өңірде қосымша білім берумен қамту көрсеткіші өнер мектептері мен БЖДШК шығармашылық үйлерінің базасында ашылуының арқасында артты, олардың саны қазір 17 (148 секция, 3815 бала), сонымен қатар 1500-ден астам баланы қамтитын 18 жас туристер станциясы жұмыс істейді.

Одан басқа, балаларды тегін спорт секцияларымен және үйірмелермен қамтуды ұлғайту мақсатында мемлекеттік шығармашылық тапсырыс және (400,0 млн. теңге бөлінді, 9040 бала қамтылды), мемлекеттік спорт тапсырысы (500,0 млн. теңге бөлінді, 6700 бала қамтылды) енгізілді,сондай – ақ БЛЖ-дан дене шынықтыру мұғалімдеріне спорт секцияларын өткізгені үшін 100% қосымша ақы енгізу енгізілді.Бұл балалардың сабақтпн тыс уақытта спорт секцияларымен қамтылуын арттырады.

Қорғаншылық және қамқоршылық және арнайы білім беру ұйымдары.

 Облыс аумағында ерекше білім берілуіне қажеттілігі бар 9 696 бала тұрады, оның ішінде 9 397-і оқытуға жатады.

Арнайы білім беру ұйымдарының желісі 24 ұйымнан тұрады:6 арнайы мектеп және мектеп-интернат, 14 психологиялық-педагогикалық түзету кабинеті, 4 психологиялық-медициналық-педагогикалық консультация.

Облыстың 6 арнайы білім беру ұйымдарында (ҚР - да - 98) 858 тәрбиеленуші, 93 (2020 – 2021 оқу жылы - 115) жалпы білім беретін мектептердің арнайы сыныптарында 697 (2020 – 2021 оқу жылы - 802) оқушы арнайы бағдарламалар бойынша оқиды (оның ішінде ЗПР - 597, УО-27, сөйлеу қабілеті бұзылған - 66, көру қабілеті бұзылған-7).

6 жалпы білім беретін мектептерде инклюзияны қолдаудың 4 кабинеті (Қостанай қ.№29 ОМ, 22, Рудный Қ. №17 ОМ, Қарасу ОМ) және 2 ресурстық орталық (Қостанай қ.№27 ом және Арқалық қ. №6 ОМ) жұмыс істейді.

14 психологиялық-педагогикалық түзету кабинетінде(ҚР - да - 186) 671 балаға түзету көмегі көрсетіледі (2020 – 2021 оқу жылы-622), жалпы білім беретін мектептер жанындағы 126 логопедтік пункттерде 3 069 баламен сабақтар өткізіледі.

1-11 сынып аралығындағы 452 мүгедек бала жеке бағдарламалар бойынша үйде оқиды. 3885 (2020 – 2021 оқу жылы-4078) бала жалпы білім беретін 387 мектепте инклюзивті біліммен қамтылды.

Облыстың техникалық және кәсіптік, орта білімнен кейінгі білім беру ұйымдарының желісі 34 колледжден (25 мемлекеттік білім беру басқармасы, 2 денсаулық сақтау басқармасы және 7 жекеменшік) тұрады, оларда 22 мыңнан астам студент оқиды.

2022-2023 оқу жылына техникалық және кәсіптік білімі бар мамандарды даярлауға арналған 6 134 орынға мемлекеттік білім беру тапсырысы бекітілді.

Халықаралық аккредиттеу рәсімінен 33 колледж өтті (27 мемлекеттік - Қостанай педагогикалық, Қостанай құрылыс, Қостанай жоғары политехникалық, Қостанай автомобиль көлігі колледжі, Қостанай индустриялық-педагогикалық, Қостанай тұрмыстық қызмет көрсету, Қостанай ауыл шаруашылығы, Рудный әлеуметтік-гуманитарлық, Қостанай жоғары медициналық, Жітіқара политехникалық, Әулиекөл ауыл шаруашылығы, Рудный политехникалық, Рудный технология және сервис, Рудный музыкалық, Рудный құрылысы және көлік, Рудный тау-кен-металлургия колледжі, Торғай гуманитарлық, Арқалық политехникалық,  К. Дөненбаева атындағы кәсіби-техникалық. Лисаков техникалық колледжі, Арқалық медициналық колледжі, Қарасу ауыл шаруашылығы колледжі, Денисов кәсіптік-техникалық колледжі, Сарыкөл агробизнес және құқық колледжі, Қостанай қызмет көрсету саласы колледжі. 6 жекеменшік – ҚИНЭУ кәсіпкерлік колледжі, Қазтұтынуодағы Қостанай жоғары экономикалық колледжі, Қостанай гуманитарлық, Қостанай әлеуметтік – техникалық, Арқалық көпсалалы, Зерек колледждері).

Қазіргі кезде 25 жатақхана жұмыс істейді, оның 22-сі мемлекеттік, жатақханадағы орындармен қамтамасыз етілген студенттердің жалпы қамтылуы 81% құрайды.

«Цифрлық Қазақстан» мемлекеттік бағдарламасының іс-шараларын іске асыру жөніндегі ақпарат.

Қостанай облысы бойынша барлық жалпы білім беретін мектептер (476 мектеп немесе 100%) 4 Мбит/с кең жолақты Интернетке қол жеткізе алады және Wi-Fi желісімен жабдықталған. Сонымен қатар, 342 ауылдық мектептің (88,1%) интернет желісінің жылдамдығы 8 Мбит/сек және одан жоғары, ал қалалық мектептердің (88 мектеп немесе 100%) жылдамдығы 10 және одан да көп Мбит/сек.